ನವದೆಹಲಿ : ಭಾರತೀಯ ಗಗನಯಾತ್ರಿ ಶುಭಾಂಶು ಶುಕ್ಲಾ ಮತ್ತು ಇತರ 3 ಪ್ರಯಾಣಿಕರನ್ನು ಹೊತ್ತ ಆಕ್ಸಿಯಮ್ -4 ಮಿಷನ್ ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ (ISS) ಪ್ರಯಾಣ ಬೆಳೆಸಿತು. ಈ ಕಾರ್ಯಾಚರಣೆಯನ್ನು ಮಧ್ಯಾಹ್ನ 12.01 ಕ್ಕೆ ಉಡಾವಣೆ ಮಾಡಲಾಯಿತು. ಈ ಮೊದಲು, ಸ್ಪೇಸ್‌ಎಕ್ಸ್ ಇಂದು ಬುಧವಾರ ನಡೆಯಲಿರುವ ಸಂಭಾವ್ಯ ಹಾರಾಟಕ್ಕೆ ಹವಾಮಾನವು ಶೇಕಡಾ 90 ರಷ್ಟು ಅನುಕೂಲಕರವಾಗಿದೆ ಎಂದು ಘೋಷಿಸಿತ್ತು.

ಈ ಬಾಹ್ಯಾಕಾಶ ಯಾನಕ್ಕೆ ಸಾರಿಗೆ ಒದಗಿಸುತ್ತಿರುವ ಸ್ಪೇಸ್‌ಎಕ್ಸ್, ಸಾಮಾಜಿಕ ಮಾಧ್ಯಮ ವೇದಿಕೆ ಎಕ್ಸ್‌ನಲ್ಲಿ ಪೋಸ್ಟ್‌ನಲ್ಲಿ, "ಬುಧವಾರ ಬಾಹ್ಯಾಕಾಶ ನಿಲ್ದಾಣಕ್ಕೆ ಆಕ್ಸಿಯಮ್_ಸ್ಪೇಸ್‌ನ ಆಕ್ಸ್ -4 ಮಿಷನ್ ಉಡಾವಣೆಗೆ ಎಲ್ಲಾ ವ್ಯವಸ್ಥೆಗಳು ಉತ್ತಮವಾಗಿ ಕಾಣುತ್ತಿವೆ ಮತ್ತು ಹವಾಮಾನವು ಹಾರಾಟಕ್ಕೆ 90% ಅನುಕೂಲಕರವಾಗಿ ಕಾಣುತ್ತಿದೆ" ಎಂದು ಹೇಳಿದೆ.